വെള്ളാങ്ങല്ലൂർ
ബ്ലോക്ക് പഞ്ചായത്ത്

വെളളാങ്കല്ലൂർ ബ്ലോക്ക് പഞ്ചായത്ത് വികസന സ്ഥിതി അവസ്ഥ തൃശ്ശൂർ ജില്ലയുടെ തെക്ക് പടിഞ്ഞാറ് ഭാഗത്തായി സ്ഥിതി ചെയ്യുന്ന വെള്ളാങ്കല്ലൂർ ബ്ലോക്കിൻ്റെ ആസ്ഥാനം ഇരിങ്ങാലക്കുടയിൽ നിന്നും 9 കി.മി. തെക്ക് ഭാഗത്ത് തൃശ്ശൂർ കൊടുങ്ങല്ലൂർ റോഡിൽ നിന്നും 1 കി.മി. കിഴക്കുമാറി സ്ഥിതി ചെയ്യുന്നു. 1956ൽ മറ്റ് വികസന ബ്ലോക്കുകളോടൊപ്പം ഈ ബ്ലോക്കും നിലവിൽ വന്നു. ഓഫീസിനു സ്ഥിരമായി ഒരു കെട്ടിടം നിർമ്മിച്ചത് 1956ലാണ്. 1956 ഡിസംബർ 26-ാം തിയ്യതി അന്നത്തെ അഡീഷണൽ ഡെവലപ്പ്മെൻ്റ് കമ്മീഷണറായിരുന്ന ശ്രീ. അബ്ദുൽസലാം ഐ.എ.എസ്. ആണ് ബ്ലോക്കിന്റെ ഉദ്ഘാടനം നിർവ്വഹിച്ചത്. ചക്കാലമറ്റത്ത് കണിച്ചായി ജോർജ് അന്തപ്പൻ എന്നയാൾ സൗജന്യമായി നൽകിയ രണ്ടേക്കർ നാൽപ്പത് സെൻ്റ് ഭൂമിയിലാണ് ബ്ലോക്ക് ഓഫീസ് സ്ഥിതി ചെയ്യുന്നത്. പ്രവർത്തനം ആരംഭിച്ച കാലത്ത് 4 പഞ്ചായത്തുകളാണ് ബ്ലോക്കിൻ്റെ അധികാരപരിധിയിൽ ഉണ്ടായിരു ന്നത്. വെളളാങ്കല്ലൂർ, പടിയൂർ, വേളൂക്കര, പുത്തൻചിറ എന്നിവയായിരുന്നു അവ. എന്നാൽ 1977ൽ പടിയൂർ പഞ്ചായത്തിനെ വിഭജിച്ച് പൂമംഗലം എന്ന പേരിൽ മറ്റൊരു പഞ്ചായത്ത് കൂടി രൂപീകരിച്ചു. അങ്ങനെ ബ്ലോക്കിന്റെ കീഴിൽ നിലവിൽ അഞ്ച് ഗ്രാമപഞ്ചായത്തുകൾ...